Londonning "Vest Xem" klubi "Lion"dan transfer qilinganidan bir yil o‘tib yarim himoyachisi Lukas Paketani qo‘yib yuborish niyatida emas. Jurnalist Sami Mokbelning xabar berishicha, "bolg‘achilar" tez orada "shaharliklar"ning 80 million yevrolik birinchi taklifini rad etadi.
Manbaning qo‘shimcha qilishicha, "Vest Xem" Paketani o‘zining asosiy o‘yinchilaridan biri deb biladi va uni qo‘yib yuborish niyatida emas. Agar transfer amalga oshsa, Lukas "Vest Xem" tarixida 116 million yevroga "Arsenal"ga ko‘chib o‘tgan Deklan Raysdan keyin ikkinchi eng katta sotilgan futbolchi bo‘ladi.
Paketa o‘tgan mavsumda Premyer-ligada 4 ta gol va 3 ta golli uzatmani amalga oshirdi.
