2023/24-yilgi mavsum oldidan “Chelsi” nihoyat yangi titul homiysi borasida bir qarorga keldi.
Eslatib o‘tamiz, «Chelsi» o‘zining yangi uy libosini old tomonida homiylik emblemasi bo‘lmagan holda taqdim etishga majbur bo‘lgandi, chunki «ko‘klar»ning Three telekommunikasiya kompaniyasi bilan shartnomasi o‘tgan mavsum oxirida yakuniga yetgan va yangi homiy izlashni boshlab yuborgandi.
"Chelsi" bir necha bor yangi homiylik shartnomasini imzolashga yaqin edi, biroq Paramount Plus, Stake.com, Allianz va boshqa kompaniyalar bilan kelishuvlar turli sabablarga ko‘ra muvaffaqiyatsizlikka uchradi.
Shunga qaramay, 2023/24 yilgi mavsum boshlanishidan oldin "Chelsi"ning titul homiysi bo‘ladi. Daily Mail nashri xabariga ko‘ra, London klubi AQSHning Infinite Athlete kompaniyasi bilan hamkorlik qilishga rozi bo‘lgan.
Infinite Athlete - barcha sport turlari uchun texnologiya platformasini ishlab chiqadigan innovasion kompaniya. Kompaniyaning mahsulotlari sport musobaqalarini tomosha qilish, ma’lumotlarni chuqur tahlil qilish va hatto jarohatlarni bashorat qilish imkonini beradi.
Ayni damda yiliga 40 million funt sterlingdan ko‘proq maosh oluvchi shartnoma allaqachon kelishib olindi va Premyer-liga tomonidan tasdiqlanishi kutilmoqda.
Maurisio Pochettino jamoasi yakshanba kuni bo‘lib o‘tadigan "Liverpul"ga qarshi Premyer-liga o‘yinida yangi titul homiysi tushirilgan futbolkalarda bo‘ladi.
