“Barselona” yarim himoyachisi Frank Kessie Saudiyaning “Al-Ahli” klubi bilan shartnoma imzoladi.
Saudiya klubi 26 yoshli ivuarlik futbolchining transferi haqida ijtimoiy tarmoqlarda ma’lum qildi.
Kessie o‘tgan yozdan beri "Barselona"da harakat qilayotgan edi. U kataloniyaliklar safida 43 ta o‘yin o‘tkazib, 3 ta gol urdi va 3 ta golli uzatmani amalga oshirdi. Bungacha yarim himoyachi “Milan”, “Atalanta”, “Chezena” va “Stella” klublarida to‘p tepgan.
Oldinroq “Al-Ahli” yozgi transfer oynasida Roberto Firmino, Riyod Maxrez, Allan Sen-Maksimen va Eduar Mendi bilan shartnoma imzolagandi.