“Барселона” ярим ҳимоячиси Франк Кессиэ Саудиянинг “Ал-Аҳли” клуби билан шартнома имзолади.

Саудия клуби 26 ёшли ивуарлик футболчининг трансфери ҳақида ижтимоий тармоқларда маълум қилди.

Кессиэ ўтган ёздан бери "Барселона"да ҳаракат қилаётган эди. У каталонияликлар сафида 43 та ўйин ўтказиб, 3 та гол урди ва 3 та голли узатмани амалга оширди. Бунгача ярим ҳимоячи “Милан”, “Аталанта”, “Чезена” ва “Стелла” клубларида тўп тепган.

Олдинроқ “Ал-Аҳли” ёзги трансфер ойнасида Роберто Фирмино, Риёд Махрез, Аллан Сен-Максимен ва Эдуар Менди билан шартнома имзолаганди.