"Bolonya" hujumchisi Marko Arnautovich faoliyatini "Inter"da davom ettirishi mumkin.
34 yoshli avstriyalik futbolchi faol ravishda yangi markaziy hujumchi izlayotgan “neradzurrilar”ning qisqa ro‘yxatidan joy oldi.
“Biz "Bolonya" kelishuvga rioya qilishini istaymiz. O‘tgan yoz va qishda biz Angliyadan ikkita juda jozibali taklif oldik, ammo klubga hurmat tufayli ularni rad qildik. Buning evaziga, agar Marko top-klubdan yangi taklif tushsa, kelajakda ketishi mumkinligiga va’da berishdi. Hozir shunday taklif kelib tushdi. Bu juda qiziq imkoniyat", - deya Arnautovichning agentidan iqtibos keltirgan Sky Sports.
