Matbuotda "Tottenxem" va "Bavariya" Xarri Keyn transferi bo‘yicha kelishib olgani haqida ma’lumot paydo bo‘ldi. Endi 30 yoshli futbolchining o‘zi ikkilanib turibdi - u "ketish" va "qolish" variantlari o‘rtasida tanlov qila olmaydi.
The Source nashri xabariga ko‘ra, Keyn avvalroq "Tottenxem" prezidenti Deniel Levi bilan klubga yaxshi taklif tushsa, ketishi mumkinligi haqida kelishib olgan. Levi "Bavariya" taklifini qabul qildi, ammo Keyn ketishga ikkilanyapti.
Manbaga ko‘ra, Levining jahli chiqqan. London klubi rahbari Keyn qolishidan qo‘rqadi va uning ishtirokidagi transfer dostoni yanvarda yana avj oladi. Endilikda "shporlar" bosh murabbiyi shartnomani uzaytirsagina hujumchini jamoada olib qolmoqchi.
Aytish joizki, Keynning “Tottenxem” bilan amaldagi shartnomasi 2024 yilning iyun oyi oxirigacha amal qiladi. Shu tariqa, yanvar oyida hujumchi xorij klublari bilan muzokaralar olib borishi va hattoki, dastlabki shartnomani imzolashi mumkin bo‘ladi.
