Матбуотда "Тоттенхэм" ва "Бавария" Харри Кейн трансфери бўйича келишиб олгани ҳақида маълумот пайдо бўлди. Энди 30 ёшли футболчининг ўзи иккиланиб турибди - у "кетиш" ва "қолиш" вариантлари ўртасида танлов қила олмайди.
The Source нашри хабарига кўра, Кейн аввалроқ "Тоттенхэм" президенти Дениэл Леви билан клубга яхши таклиф тушса, кетиши мумкинлиги ҳақида келишиб олган. Леви "Бавария" таклифини қабул қилди, аммо Кейн кетишга иккиланяпти.
Манбага кўра, Левининг жаҳли чиққан. Лондон клуби раҳбари Кейн қолишидан қўрқади ва унинг иштирокидаги трансфер достони январда яна авж олади. Эндиликда "шпорлар" бош мураббийи шартномани узайтирсагина ҳужумчини жамоада олиб қолмоқчи.
Айтиш жоизки, Кейннинг “Тоттенхэм” билан амалдаги шартномаси 2024 йилнинг июнь ойи охиригача амал қилади. Шу тариқа, январь ойида ҳужумчи хориж клублари билан музокаралар олиб бориши ва ҳаттоки, дастлабки шартномани имзолаши мумкин бўлади.
