"Liverpul" yarim himoyachisi Tyago Alkantara "Al-Ahli"ga o‘tishi mumkin, deb xabar beradi L'Equipe.
Manbaga ko‘ra, Saudiya klubi 32 yoshli futbolchi uchun "qizillar"ga 12 million yevro taklif qilgan.
Agar bu transfer amalga oshsa, ispaniyalik futbolchi yozda Saudiya Arabistoniga ko‘chib o‘tgan "Liverpul"ning to‘rtinchi futbolchisiga aylanadi. Bungacha Fabinyo (“Al-Ittihod”), Jordan Xenderson (“Al-Ittifoq”) va Roberto Firmino (“Al-Ahli”) Yaqin Sharqqa yo‘l olishgan.
2022/23 yilgi mavsumda Alkantara "Liverpul" safida 28 ta o‘yin o‘tkazib, 1 ta golli uzatmani amalga oshirgan. Uning shartnomasi 2024 yilning yoziga qadar mo‘ljallangan. Transfermarkt portali futbolchining narxini 15 million yevroga baholamoqda.













