"Chelsi" yarim himoyachisi Enso Fernandes jamoada sakkizinchi raqamni qo‘lga kiritish haqida gapirib, uning klub tarixidagi ahamiyatini tushunishini ta’kidladi, chunki "ko‘klar"ning sobiq yarim himoyachisi Frank Lempard 8-raqam ostida o‘ynagan.
"Menga 8-raqam juda yoqadi, menda bu raqam bilan tatuirovka bor va bu raqamni so‘rashimning sabablaridan biri, menga yoqadi. Men bu raqamni kiyish haqida Frank bilan gaplashish imkoniga ega bo‘lmadim, lekin men uning "Chelsi"dagi faoliyati davomida erishgan barcha yutuqlarini, tarixini bilaman. Bunga erishish men uchun ham katta qiyinchilik", - dedi Fernandes ESPN AR bilan suhbatda.
Fernandes qishda "Benfika"dan "Chelsi"ga o‘tgan edi. Argentinalik futbolchi sakkizinchi raqamni yozda, yangi mavsum boshlanishidan oldin oldi.
