Neymar «PSJ»dan Saudiyaning «Al-Hilol» klubiga o‘tishga yaqin turibdi. Jijantes FC xabariga ko‘ra, braziliyalik futbolchi ikki yillik shartnoma imzolaydi.
Foot Mercato jurnalisti Santi Auna xabariga ko‘ra, «Al-Hilol» Neymarga yiliga 100 million yevrodan oshadigan maosh taklif qilmoqda.
Futbolchining otasi Neymar da Silva taklifni qabul qildi. Saudiyaliklar hujumchining transferiga ishonch bildirishmoqda va uning yakuniy roziligini kutishmoqda.
«PSJ» va «Al-Hilol» o‘rtasidagi muzokaralar yaxshi ketmoqda va muvaffaqiyatli bo‘lishi kerak, biroq klublar hali yakuniy kelishuvga erishmagan.
Qayd etilishicha, Neymarga «Barselona»dan ham taklif bo‘lgan.
