Yarim himoyachi Gabri Veyga yozgi transfer oynasi yopilgunga qadar «Selta»dan «Napoli»ga o‘tishi mumkin.
Ijtimoiy tarmoq insayderi Fabrisio Romanoning so‘zlariga ko‘ra, seshanba kuni A Seriya chempionlari 21 yoshli futbolchi uchun o‘z takliflarini yaxshilagan holda yana yuborgan.
Qayd etilishicha, «Selta» Veyga kelajagi haqida keyingi o‘yin oldidan, ya’ni shu hafta oxirigacha bir qarorga kelmoqchi. Klublar o‘rtasidagi muzokaralar davom etmoqda.
Gabri Veyga 30 million yevroga baholangan. Yosh yarim himoyachi «Selta» tarbiyalanuvchisi hisoblanadi.
