Moyses Kaysedoning "Chelsi"ga ko‘chib o‘tishi ko‘plab rekordlani yangilanishiga sabab bo‘ldi. Chunki 21 yoshli futbolchi APLdagi eng qimmat futbolchiga aylandi. Endi o‘z o‘yini bilan buni oqlashi kerak. Keling APL tarixidagi eng qimmat 5 transferni ko‘rib chiqamiz.
5-o‘rin
2021/2022 yilgi mavsumda Romelu Lukaku "Inter"dan "Chelsi"ga o‘tdi. Inglizlar 28 yoshli belgiyalik uchun 113 million yevro ajratgan. Dahshat!
4-o‘rin
Bu yoz Deklan Rays "Vest Xem"dan "Arsenal"ga ko‘chib o‘tdi. 24 yoshli angliyalikning transfer narxi 116,6 million yevroni tashkil qildi. Kanonirlar pullarini ayamadi.
3-o‘rin
2021/2022 yilgi mavsumda “Manchester Siti” “Aston Villa”dan Jek Grilishni sotib oldi. 25 yoshli ingliz "shaharliklar"ga 117,5 million yevroga tushdi.
2-o‘rin
"Chelsi" 2022/2023 yilgi mavsumda Enso Fernandesni "Benfika"dan sotib olgandi. 22 yoshli argentinalik futbolchining transfer narxi 121 million yevroni tashkil qildi.
1-o‘rin
Shu yilning avgust oyida Moyses Kaysedo "Brayton"dan "Chelsi"ga ko‘chib o‘tdi. Ushbu transfer "ko‘klar"ga Angliya futboli uchun rekord darajadagi 133,5 million yevroga tushdi.
