"Real" yarim himoyachisi Luka Modrich jamoadagi rolidan hafsalasi pir bo‘ldi.

Mundo Deportivo xabariga ko‘ra, xorvat madridliklar klubi bilan shartnomani uzaytirar ekan, u jamoa asosiy tarkibida o‘ynashda davom etishini kutgan, biroq bosh murabbiy Karlo Anchelotti futbolchini boshlang‘ich tarkibda tushirishni rejalashtirmayapti.

Eslatib o‘tamiz, avvalroq 37 yoshli xorvatiyalik futbolchi saudiyalik "An-Nasr"ning taklifini rad etgani, chunki u o‘z hayotining klubi uchun o‘ynashni va kurashishni xohlayotgani haqida xabar berilgandi. Modrichning "Real" bilan yangi shartnomasi kelasi mavsum oxirigacha amal qiladi.