«Fulxem» hujumchisi Aleksandr Mitrovich Saudiya Arabistoniga ko‘chib o‘tishga yaqin turibdi.
Jurnalist Fabrisio Romanoga ma’lum bo‘lishicha, «Al-Hilol» 28 yoshli serbiyalik hujumchining transferi bo‘yicha «Fulxem» bilan muzokaralarning so‘nggi bosqichiga kirgan.
Manbaga ko‘ra, Mitrovichning Saudiya klubiga o‘tishi allaqachon muqarrar, faqat rasmiy e’lonni kutishgina qoladi.
Ma’lum qilinishicha, futbolchining o‘zi iyul oyida «Al-Hilol» bilan shaxsiy shartnoma shartlarini kelishib olgan va «Fulxem»dan tasdiqni kutmoqda.
Angliya premyer-ligasining 1-turida «Fulxem» «Everton»ni 1:0 hisobida mag‘lub etdi. Mitrovich 32 daqiqani maydonda o‘tkazdi, ammo gol ura olmadi.
