«Фулхэм» ҳужумчиси Александр Митрович Саудия Арабистонига кўчиб ўтишга яқин турибди.
Журналист Фабрицио Романога маълум бўлишича, «Ал-Ҳилол» 28 ёшли сербиялик ҳужумчининг трансфери бўйича «Фулхэм» билан музокараларнинг сўнгги босқичига кирган.
Манбага кўра, Митровичнинг Саудия клубига ўтиши аллақачон муқаррар, фақат расмий эълонни кутишгина қолади.
Маълум қилинишича, футболчининг ўзи июль ойида «Ал-Ҳилол» билан шахсий шартнома шартларини келишиб олган ва «Фулхэм»дан тасдиқни кутмоқда.
Англия премьер-лигасининг 1-турида «Фулхэм» «Эвертон»ни 1:0 ҳисобида мағлуб этди. Митрович 32 дақиқани майдонда ўтказди, аммо гол ура олмади.
