Argentinalik sobiq futbolchi Karlos Teves nega faoliyatining so‘nggida Xitoy chempionatida o‘ynaganini aytib berdi.

"Xitoyga o‘tganim uchun ko‘pchilik meni tanqid qilishdi. Lekin ular hech narsani bilishmaydi. O‘sha paytda men juda ko‘p pul ishlayotgan edim. Lekin men buni o‘zim uchun qilmadim. Men agentimdan o‘n beshta uy topib, qarindoshlarimga munosib sharoitlarda yashashlari uchun sotib olishni so‘radim. O‘n besh oilaga, oltmishga yaqin kishiga yordam berdim. Men shunchaki Tevesning yangi avlodi men o‘tkazgan sharoitlarda emas, balki yaxshiroq sharoitda o‘sishini xohlardim", - deya Tevesning so‘zlarini keltiradi Football Tweet.