“Sautgempton” yarim himoyachisi Romeo Laviya Londonning “Chelsi” jamoasi lagerida tibbiy ko‘rikdan o‘tdi. Sky Sports xabariga ko‘ra, belgiyalik futbolchini allaqachon "aristokratlar" futbolchisi deb hisoblash mumkin, chunki futbolchi shartnomaga o‘z imzosini qo‘ygan. Tez orada rasmiy e’lon qilinishi kutilmoqda.

Lavia o‘tgan yozda "Manchester Siti"dan "Sautgempton"ga o‘tgan edi. "Avliyolar" so‘nggi mavsumda Chempionshipga tushib ketishdi, bu "Chelsi"ga o‘yinchini bonuslar bilan birga 60 million yevrodan ko‘proq evaziga qo‘lga kiritishga imkon berdi. Aks holda, "Sautgempton" ko‘proq pul talab qilgan bo‘lardi.

Eslatib o‘tamiz, avvalroq 19 yoshli Laviaga "Liverpul" ham qiziqish bildirgandi, ammo "Chelsi" belgiyalikni mersisaydliklardan tortib oldi.