Kot-d'Ivuarlik himoyachi Vilfrid Singo klubdagi faoliyatini Fransiya chempionati vakili «Monako»da davom ettiradi.

«Torino»dan kelgan 22 yoshli lateralning transferi haqida monakoliklar matbuot xizmati xabar bermoqda.

Singo o‘tgan mavsumda Italiya chempionatida 31 ta o‘yin o‘tkazdi. Ikkita gol urdi va ikkita golli uzatmani amalga oshirdi.

Transfermarkt kelishuvni 10 million yevroga baholamoqda, futbolchining taxminiy bahosi esa 12 millionni tashkil etadi.

Futbolchi faoliyatining 4,5 yilini «Torino»da o‘tkazgan.