Londonning “Chelsi” klubi bosh murabbiyi Maurisio Pochettino belgiyalik yarim himoyachi Romeo Laviya bilan shartnoma imzolagani haqida gapirdi.

Eslatib o‘tamiz, bugun, 18 avgust kuni 19 yoshli Lavia "Sautgempton"dan "Chelsi"ga o‘tgani rasman e’lon qilingan edi. Yosh futbolchining "ko‘klar" bilan shartnomasi 2030 yilning yoziga qadar mo‘ljallangan.

“Biz hammamiz uni, uning fazilatlarini bilamiz. Menimcha, u bu loyiha uchun mukammal futbolchi. Uni biz bilan birga ko‘rganimizdan xursandmiz", - dedi Pochettino matbuot anjumanida.

Laviya o‘tgan mavsumda "Sautgempton" tarkibida 34 ta o‘yinda maydonga tushib, 1 ta gol va 1 ta golli uzatmani amalga oshirgan.