Лондоннинг “Челси” клуби бош мураббийи Маурисио Почеттино бельгиялик ярим ҳимоячи Ромео Лавия билан шартнома имзолагани ҳақида гапирди.
Эслатиб ўтамиз, бугун, 18 август куни 19 ёшли Лавиа "Саутгемптон"дан "Челси"га ўтгани расман эълон қилинган эди. Ёш футболчининг "кўклар" билан шартномаси 2030 йилнинг ёзига қадар мўлжалланган.
“Биз ҳаммамиз уни, унинг фазилатларини биламиз. Менимча, у бу лойиҳа учун мукаммал футболчи. Уни биз билан бирга кўрганимиздан хурсандмиз", - деди Почеттино матбуот анжуманида.
Лавия ўтган мавсумда "Саутгемптон" таркибида 34 та ўйинда майдонга тушиб, 1 та гол ва 1 та голли узатмани амалга оширган.
