"Leypsig" himoyachilari Lukas Klostermann va Muhammad Simakan ushbu transfer oynasida o‘z jamoasini tark etishmaydi. Jurnalist Filipp Xaynsning fikricha, “buqalar” bu futbolchilarni sotish niyatida emas.
Avvalroq Klostermann va Simakan Benjamin Pavard o‘rniga o‘rinbosar qidirayotgan "Bavariya" nishonida edi. Eslatib o‘tamiz, fransiyalik himoyachi yaqin vaqt ichida "Inter"ga bonuslar bilan birga 33 million yevro evaziga o‘tishi kerak.
Simakanga avvalroq “Manchester Yunayted” va Londonning “Arsenal” klublari ham qiziqish bildirgan, biroq bu klublar “Leypsig”ning qat’iy pozitsiyasi tufayli transferni amalga oshira olishmagan.
