"PSJ" Frankfurtning "Ayntraxt" klubi bilan hujumchi Randal Kolo-Muanini sotib olish borasida muzokaralar olib bormoqda, deya xabar beradi Relevo.
Manbaga ko‘ra, “Ayntraxt” 24 yoshli fransiyalik uchun parijliklardan 100 million yevro talab qilmoqda va uning narxini pasaytirish niyatida emas. Shu bilan birga, "PSJ" allaqachon hujumchining o‘zi bilan shaxsiy shartnoma shartlarini kelishib olgan.
Kolo-Muani o‘tgan yozdan beri "Ayntraxt"da to‘p tepmoqda. Joriy mavsumda u jamoa uchun Bundesliga va Germaniya kubogida ikkita o‘yinda ikkita gol urdi.













