"Al-Ittihod" "Liverpul" yulduzi Muhammad Salohni o‘z safiga jalb qilishda davom etmoqda.
Oxirgi mish-mishlarga ko‘ra, Saudiya klubi misrlik futbolchi uchun "qizillar"ga 90 million yevrodan ko‘proq pul taklif qilishga tayyor. Insayder Nikolo Skiraning xabar berishicha, “Al-Ittihod” “Liverpul” bilan muzokaralarni boshlab yuborgan va hujumchining o‘zi uchun yiliga 80 million yevro maosh oladigan uch yillik shartnoma tayyor.
Muhammad Saloh 2017 yilda jamoaga kelganidan beri “Liverpul” safida 307 ta o‘yinda maydonga tushib, 187 ta gol urdi va 80 ta golli uzatmani amalga oshirdi. 31 yoshli futbolchining amaldagi shartnomasi 2025 yilda yakuniga yetadi.