"Ал-Иттиҳод" "Ливерпуль" юлдузи Муҳаммад Салоҳни ўз сафига жалб қилишда давом этмоқда.

Охирги миш-мишларга кўра, Саудия клуби мисрлик футболчи учун "қизиллар"га 90 миллион евродан кўпроқ пул таклиф қилишга тайёр. Инсайдер Николо Скиранинг хабар беришича, “Ал-Иттиҳод” “Ливерпуль” билан музокараларни бошлаб юборган ва ҳужумчининг ўзи учун йилига 80 миллион евро маош оладиган уч йиллик шартнома тайёр.

Муҳаммад Салоҳ 2017 йилда жамоага келганидан бери “Ливерпуль” сафида 307 та ўйинда майдонга тушиб, 187 та гол урди ва 80 та голли узатмани амалга оширди. 31 ёшли футболчининг амалдаги шартномаси 2025 йилда якунига етади.