"Selta" yarim himoyachisi Gabri Veyga "Al-Ahli"ga o‘tadi.
21 yoshli futbolchi Italiyaning "Napoli" klubiga o‘tishga yaqin edi, biroq transfer amalga oshmay qoldi. Insayder Fabrisio Romanoga ma’lum bo‘lishicha, futbolchi "Al-Ahli"ga o‘tadi. "Selta" Saudiya klubi taklifiga allaqachon rozi bo‘lgan, futbolchining o‘zi esa shartnomaning shaxsiy shartlarini qabul qilgan.
Gabri Veyga La Ligada 50 ta o‘yinda maydonga tushib, 11 ta gol va 4 ta golli uzatmaga mualliflik qilgan. Ispaniyalik futbolchining transfer narxi Transfermarkt portali mutaxassislari tomonidan 30 million yevroga baholanmoqda.