"Liverpul" bosh murabbiyi Yurgen Klopp hujumchi Muhammad Salohning ketishi mumkinligi haqidagi mish-mishlarni inkor qildi.
"Biz Salohni sotish bo‘yicha taklif olganimiz yo‘q. Muhammad - "Liverpul" futbolchisi, agar taklif tushsa, javob yo‘q. Saloh "Liverpul"ga 100% sodiq. Bu yerda muhokama qilinadigan hech narsa yo‘q”, dedi Klopp matbuot anjumanida.
Eslatib o‘tamiz, Saloh yaqinda "Liverpul" tarixidagi eng yaxshi to‘purarlar uchligiga kirdi. Uning shartnomasi ikki yildan keyin tugaydi.