Madridning “Atletiko” klubi hujumchisi Alvaro Morata hali ham Turinning “Yuventus” klubiga qaytish imkoniyatiga ega. Tuttojuve'ning so‘zlariga ko‘ra, "keksa sinyora" agar transfer oynasi tugaguniga qadar hujumchilardan biri bilan xayrlashsa, ispaniyalik futbolchini sotib olishga harakat qiladi.
Eslatib o‘tamiz, avvalroq "Yuventus"ni Dushan Vlaxovich tark etishi kutilgandi, turinliklar uni 80 million yevroga baholangan. Shuningdek, A Seriyaning boshqa klublari tomonidan qiziqish bildirilayotgan Moyze Kinning ketishi ham ehtimoldan xoli emas.
Morata faoliyati davomida ikki marta "Yuventus"ga o‘tdi va jamoada jami 4 yil o‘tkazdi. Alvaroning "Atletiko Madrid" bilan shartnomasi joriy mavsum oxirida yakuniga yetadi.
