"Chelsi" "Nottingem Forest" hujumchisi Brennan Jonsonga qiziqishini so‘ndiradi. Jurnalist Saymon Fillipsning yozishicha, “ko‘klar” avvalroq futbolchi uchun 46 million yevro taklif qilishgan, biroq “o‘rmonchilar” rad javobini etgach, Maurisio Pochettino jamoasi taklifni oshirmagan.

Manbaning ta’kidlashicha, "Chelsi" Jonsonni sotib olishga urinishda davom etishi dargumon. Klub hujumchiga bo‘lgan qiziqishni so‘ndirgan va endi hujumni kuchaytirish uchun boshqa variantlarni o‘rganmoqda.

Eslatib o‘tamiz, "Tottenxem" so‘nggi kunlarda Jonsonga faol qiziqish bildirmoqda. "Nottingem Forest" o‘z futbolchisi uchun 60 million yevro tovon puli talab qilmoqda.