"Real Madrid" murabbiylar shtabi shu yilning yozida "Espanyol"dan ijara asosida jamoaga o‘tgan hujumchi Xoseluning formasidan juda mamnun. Dastlab ispaniyalik futbolchi Karim Benzemaning o‘rinbsosari sifatida kelgandi, ammo fransiyalik futbolchi yakunda "Real"ni tark etib, "Al-Ittihod"ga o‘tdi.

Diario AS nashri xabariga ko‘ra, "Real Madrid" rahbariyati Xoseludan to‘liq qoniqish hosil qilgan. Shu sababli “Qirollik klubi” Benzema o‘rniga yangi hujumchi xarid qilmadi. Manbaning aytishicha, Xoselu bu mavsumda ko‘p o‘yin o‘tkazishi kerak, chunki bosh murabbiy Karlo Anchelotti unga ishonadi.

Ispaniya La Ligasining dastlabki uch turida Xoselu zaxira o‘yinchisi bo‘lgan holda bitta golli uzatmani amalga oshirdi.