"PSJ" darvozaboni Keylor Navas Yevropadagi transfer oynasi yopilgach, klubini o‘zgartirishi mumkin.
Parijliklar yozda kosta-rikalik futbolchini qo‘yib yuborishni rejalashtirishgan, biroq o‘z talablariga mos keladigan takliflar olmagan. Jurnalist Adriyen Grenyerning yozishicha, "PSJ" rahbariyati hali ham Navas uchun boshqa klub topishni rejalashtirmoqda. Turkiya va Saudiya Arabistonida transfer oynasi hali yopilgani yo‘q - 36 yoshli darvozabonga ushbu chempionatlar vakillari orasida talab katta bo‘lishi mumkin.
Keylor Navas joriy mavsumda "PSJ"ning barcha uchta o‘yinini zaxirada o‘tkazdi. Futbolchining shartnomasi kelasi yozgacha hisoblangan.













