"Inter Mayami" hujumchisi Lionel Messining shaxsiy qo‘riqchisi MLSning navbatdagi turida "Los-Anjeles"ga qarshi o‘yinda (3:1) maydonga yugurib chiqqan muxlisni to‘xtatdi. Muxlis argentinalik tomon ketayotgan edi.

Ijtimoiy tarmoqlarda Messining raqami yozilgan futbolkadagi muxlislardan biri qanday qilib maydonga kirib ketgani aks etgan video paydo bo‘ldi. Hujumchining oldiga yugurib kelganida qo‘riqchi uni ushlab oldi, so‘ng uni maydondan olib chiqib ketdi.

Eslatib o‘tamiz, “Inter Mayami” Messi bilan ketma-ket 11 o‘yinda mag‘lub bo‘lmagandi.

35 yoshli argentinalik futbolchi 15 iyul kuni “Inter Mayami”ga o‘tgan edi. O‘shandan beri u 11 ta o‘yinda maydonga tushib, 11 ta gol urdi va 5 ta golli uzatmani amalga oshirdi.