«Arsenal» hujumchisi Gabriel Jezus mavsum boshlanishidan oldin olgan jarohati haqida gapirdi. Braziliyalik hatto jarrohlik amaliyotini ham o‘tkazishga majbur bo‘lgan.
«Ta’tildan keyin jarohat olish juda og‘ir. Men tizzamda og‘riqni his qildim va bu yoqimsiz edi. Men kuchliroq qaytish uchun imkon qadar tezroq operasiya qilinishga qaror qildim. Bu qiyin edi, lekin endi men qaytdim. Endi ritmni yig‘ish juda muhim.
Avvaliga og‘riqlarga qaramay mashg‘ulotlarni davom ettirdim. Muammo arzimasdek tuyuldi. Ammo keyin ish shu darajaga yetdiki, men yugura olmadim va men operasiyani o‘tkazishga qaror qildim. Birinchi kun dahshatli bo‘ldi, ammo ertasi kuni siz harakat qilishingiz va kurashishingiz kerakligini tushunasiz», - deya Jezusning so‘zlarini keltiradi Goal portali.
