«Арсенал» ҳужумчиси Габриэль Жезус мавсум бошланишидан олдин олган жароҳати ҳақида гапирди. Бразилиялик ҳатто жарроҳлик амалиётини ҳам ўтказишга мажбур бўлган.
«Таътилдан кейин жароҳат олиш жуда оғир. Мен тиззамда оғриқни ҳис қилдим ва бу ёқимсиз эди. Мен кучлироқ қайтиш учун имкон қадар тезроқ операция қилинишга қарор қилдим. Бу қийин эди, лекин энди мен қайтдим. Энди ритмни йиғиш жуда муҳим.
Аввалига оғриқларга қарамай машғулотларни давом эттирдим. Муаммо арзимасдек туюлди. Аммо кейин иш шу даражага етдики, мен югура олмадим ва мен операцияни ўтказишга қарор қилдим. Биринчи кун даҳшатли бўлди, аммо эртаси куни сиз ҳаракат қилишингиз ва курашишингиз кераклигини тушунасиз», - дея Жезуснинг сўзларини келтиради Goal портали.
