UYEFA bosh hakami Roberto Rozetti VAR tizimining futbolga ijobiy ta’siri haqida gapirdi.

"VAR tizimi futbolning bir qismiga aylandi. Hozir biz VARsiz eng yuqori saviyada o‘ynashni tasavvur qila olmaymiz. Tizim joriy etilgan mavsumda 55 ta uchrashuvda foydalanilgan. O‘tgan mavsumda VAR 1800 dan ortiq o‘yinda qo‘llanilgan. VAR tizimiga juda ko‘p ish olib borildi.

Ba’zi vaziyatlarda VAR aralashuvi zarur bo‘lsa-da, biz uning miqdorini kamaytirmoqchimiz. Ishonchimiz komilki, hakamlar o‘yin markazida qolib, o‘zlari qaror qabul qilishlari kerak.

VARdagi ofsaydni aniqlash tizimi aniqlik va tezroq qaror qabul qilish nuqtai nazaridan juda yaxshi ishlaydi. Biz uchun ofsayd muammosi endi bo‘lmaydi", - dedi Rozetti UYEFA rasmiy saytiga.