Germaniya terma jamoasining sobiq futbolchisi Rudi Fyoller o‘rtoqlik uchrashuvida Bundestimning Yaponiya terma jamoasidan yirik hisobda mag‘lubiyatga uchragani (1:4) haqida fikr bildirdi.
“Biz natijadan hayratdamiz. 1:4 hisobi haqiqiy sharmandalik. Jamoa orqaga qarashi va tinchlanishi kerak. Keyin biz o‘tirib, nima bo‘lganini muhokama qilamiz. Fransiyaga qarshi o‘yinda xatoga o‘rin yo‘q. Biz Germaniyamiz. Bizning barcha yigitlarimiz top-klublarda o‘ynashadi va hech kimdan qo‘rqmasliklari kerak", - dedi Fyoller.
12 sentyabr, seshanba kuni Germaniya va Fransiya terma jamoalari o‘rtasidagi sinov uchrashuvi bo‘lib o‘tadi.
