Hujumkor yarim himoyachi Alexandro Gomes yana Italiyada o‘ynash niyatida.
Argentinalik futbolchi sentyabr oyi boshida "Sevilya" bilan shartnomasini bekor qilishga rozi bo‘lgach, klubsiz qolgandi. Ba’zi ma’lumotlarga ko‘ra, 35 yoshli futbolchiga Braziliya, Qatar va Turkiya chempionatlari vakillari qiziqish bildirishgan, shuningdek, "Atalanta" sobiq yulduziga Fransiyaning "Mets" klubi ham qiziqish bildirmoqda. Biroq, TMW xabariga ko‘ra, Gomes Italiyaga qaytishni afzal ko‘radi. Ayni paytda futbolchi o‘z imkoniyatlari haqida o‘ylashda davom etmoqda.
Alexandro Gomes 2014 yildan 2021 yilgacha "Atalanta" safida to‘p tepgan va Bergamo jamoasi uchun 252 o‘yinda 59 gol va 72 golga assistentlik qilgan.