Ҳужумкор ярим ҳимоячи Алехандро Гомес яна Италияда ўйнаш ниятида.
Аргентиналик футболчи сентябрь ойи бошида "Севилья" билан шартномасини бекор қилишга рози бўлгач, клубсиз қолганди. Баъзи маълумотларга кўра, 35 ёшли футболчига Бразилия, Қатар ва Туркия чемпионатлари вакиллари қизиқиш билдиришган, шунингдек, "Аталанта" собиқ юлдузига Франциянинг "Метц" клуби ҳам қизиқиш билдирмоқда. Бироқ, TMW хабарига кўра, Гомес Италияга қайтишни афзал кўради. Айни пайтда футболчи ўз имкониятлари ҳақида ўйлашда давом этмоқда.
Алехандро Гомес 2014 йилдан 2021 йилгача "Аталанта" сафида тўп тепган ва Бергамо жамоаси учун 252 ўйинда 59 гол ва 72 голга ассистентлик қилган.