Portugaliya terma jamoasi hujumchisi Diogu Jota 2024 yilgi Yevropa chempionati saralash bosqichi doirasidagi Lyuksemburgga qarshi o‘yin (9:0) yakunlarini sarhisob qildi.

“Jamoa hujumda ham, himoyada ham ajoyib fidoyilik ko‘rsatdi. Biz ko‘proq gollar va 3 ochko bilan taqdirlandik. To‘qqiz marta gol urgandik, ko‘proq gol urishimiz mumkin edi. Bu bizni hamma narsani to‘g‘ri qilayotganimizga ishontiradi. Biz har doim qo‘limizdan kelganini qilishga harakat qildik. Murabbiy g‘oyalarini o‘zlashtirgan yangi davr boshida turibmiz. Bugun biz mukammallikka juda yaqin edik. Balki biz rivojlanishda davom etish uchun kelajak uchun mezon belgilagandirmiz", - deya Jota so‘zlarini keltiradi UEFA rasmiy sayti.