"Manchester Yunayted" vingeri Jeydon Sancho Angliya Premyer-ligasining boshqa klubiga o‘tishi mumkin.
23 yoshli futbolchining kelajagi jamoa boshqaruvchisi Erik ten Xag bilan munosabatlari tarangligi tufayli noaniqligicha qolmoqda. GiveMeSport xabariga ko‘ra, "Aston Villa" vaziyatdan unumli foydalanishi mumkin va ingliz futbolchisini qishki transfer oynasida taklif qilish imkoniyatini ko‘rib chiqmoqda. Futbolchi endi o‘zini klubda ko‘rmayotgani uchun "qizil iblislar" safini o‘z xohishi bilan tark etishi kutilmoqda.
Transfermarkt portali ekspertlari fikricha, Jeydon Sanchoning transfer qiymati 45 million yevroni tashkil qiladi.
