"Manchester Yunayted" bosh murabbiyi Erik ten Xag, hatto asosiy jamoadan chetlatilganidan keyin ham, vinger Jeydon Sanchodan uzr so‘rashni talab qilmoqda.
ESPN xabariga ko‘ra, agar futbolchi murabbiydan kechirim so‘rashdan bosh tortsa, qishda klubni tark etadi. Ten Xag undan ham shaxsiy, ham ommaviy tarzda kechirim so‘rashini kutadi.
O‘tgan mavsumda "Manchester Yunayted"ning sobiq hujumchisi Krishtianu Ronaldu ten Xagdan omma oldida kechirim so‘raganidan keyingina jamoaga qaytarilgan edi.
Eslatib o‘tamiz, avvalroq Ten Xag Sanchoning saviyasidan norozi ekanini aytgandi.
Shuningdek, Sancho jamoadoshlari orasida qo‘llab-quvvatlamaganligi haqida ham ma’lumotlar bor edi. Joriy mavsumda u 3 ta o‘yinda maydonga tushdi.
