“Inter” bosh murabbiyi Simone Indzagi derbi oldidan “Milan”ning kuchini yuqori baholadi.
"Neradzurrilar"ning "rossonerilar" bilan uchrashuvi shanba kuni Toshkent vaqti bilan soat 21:00da boshlanadi.
"Milan" uch-to‘rtta asosiy futbolchini o‘zgartirdi. Jamoa o‘zgardi, lekin bir xil tamoyillarga amal qilishga harakat qilmoqda. Balki ularning o‘yini tajovuzkor bo‘lib qolgandir.
Biz kabi “Milan” ham mavsumni yaxshi boshladi. Bo‘lajak o‘yin hal qiluvchi bo‘lmaydi, lekin klub va muxlislar uchun qanchalik muhimligini bilamiz. Men o‘tgan mavsumdagi derbidagi natijalarimiz bilan faxrlanaman, ammo ertangi o‘yin yangi hikoyadir", - deya Indzagidan iqtibos keltiradi Football Italia.
