“Интер” бош мураббийи Симоне Индзаги дерби олдидан “Милан”нинг кучини юқори баҳолади.
"Нерадзуррилар"нинг "россонерилар" билан учрашуви шанба куни Тошкент вақти билан соат 21:00да бошланади.
"Милан" уч-тўртта асосий футболчини ўзгартирди. Жамоа ўзгарди, лекин бир хил тамойилларга амал қилишга ҳаракат қилмоқда. Балки уларнинг ўйини тажовузкор бўлиб қолгандир.
Биз каби “Милан” ҳам мавсумни яхши бошлади. Бўлажак ўйин ҳал қилувчи бўлмайди, лекин клуб ва мухлислар учун қанчалик муҳимлигини биламиз. Мен ўтган мавсумдаги дербидаги натижаларимиз билан фахрланаман, аммо эртанги ўйин янги ҳикоядир", - дея Индзагидан иқтибос келтиради Football Italia.
