«Monako» bosh murabbiyi Adi Xyutter jamoasining bu yilgi Fransiya chempionatida g‘alaba qozonish imkoniyatlari haqida gapirdi.
«Biz uchun eng muhimi, yevrokuboklarga qaytish. Prezident, sport direktori va jamoani ana shu maqsad birlashtiradi.
Liga 1 chempionligi? Bizda chempionlik uchun imkoniyat bor. Ba’zida orzular amalga oshadi. Biroq, «PSJ» juda kuchli», - dedi mutaxassis Fransiya OAVga bergan intervyusida.
To‘rt tur yakunlariga ko‘ra, monakoliklar o‘n ochko jamg‘arib, Fransiya chempionati turnir jadvalida birinchi o‘rinni egallab turibdi.
Navbatdagi o‘yinda «Monako» 17 sentyabr kuni «Loryan» bilan uchrashadi.
