"Yuventus" hujumchisi Dushan Vlaxovich joriy mavsumdan umidlari bilan o‘rtoqlashdi.
Massimiliano Allegri shogirdlari A Seriyaning 4-turi doirasidagi o‘yinda o‘z maydonida “Lasio”ni mag‘lub etdi (3:1). Vlaxovich turinliklar safida dubl qayd etib, 10 va 67-daqiqalarda gol urdi.
"O‘tgan mavsum shaxsan men uchun juda og‘ir kechdi, ammo jamoa muammolarga qaramay, unchalik yomon o‘yin ko‘rsatmadi. Hozir bizda juda motivasiya bor - isbotlashimiz kerak bo‘lgan narsamiz aniq. Adashib qolmaslik uchun qat’iyat va maksimal konsentrasiyani saqlash kerak. Maqsadimiz kuchli to‘rtlikka kirish”, - dedi serbiyalik forvard DAZN nashriga bergan intervyusida.
To‘rt turdan keyin "Yuventus" o‘n ochko bilan A Seriyada ikkinchi o‘rinda bormoqda.
