"Real Madrid" bosh murabbiyi Karlo Anchelotti Chempionlar ligasining qirollik klubi uchun ahamiyatini yuqori baholadi. Ertaga jamoa turnirdagi safarini guruh bosqichi 1-turidan o‘rin olgan "Berlin Union"ga qarshi o‘yin bilan boshlaydi.
"Chempionlar ligasi "Real Madrid" uchun alohida turnir. "Union" bilan o‘yin biz uchun ham o‘zgacha bo‘ladi. Bu kuchli himoyaga ega, shiddat bilan o‘ynaydigan jamoa. Biz raqibni yaxshi o‘rgandik. Umid qilamanki, ertaga ajoyib o‘yin bo‘ladi”, - dedi Anchelotti matbuot anjumanida.
O‘tgan mavsumda "Real" Chempionlar ligasining yarim final bosqichiga chiqdi va unda turnirning yakuniy g‘olibi "Manchester Siti"ga mag‘lub bo‘ldi.
