Yuragi bilan bog‘liq muammolar tufayli faoliyatini yakunlashga majbur bo‘lgan «Manchester Siti»ning sobiq futbolchisi Serxio Aguero Xosep Gvardiola haqida gapirdi.
Agueroning so‘zlariga ko‘ra, u Argentina terma jamoasi boshqaruvida ispaniyalik murabbiyni ko‘rishni xohlaydi.
«Argentinalik sifatida Gvardiolani Argentina terma jamoasida ko‘rishdan xursand bo‘lardim. O‘ylaymanki, hamma bundan xursand bo‘ladi, to‘g‘rimi?
Milliy terma jamoalardagi kam sonli o‘yinlar tufayli murabbiy xatoga yo‘l qo‘ymaydi. O‘ylaymanki, bu o‘yin uslubi bilan Gvardiola mashg‘ulotlarsiz zerikib qolardi.
Terma jamoalar bir-ikki hafta yig‘ilishadi, ba’zi futbolchilar parvozdan keyin charchab kelishadi. Bu holatda Pep shunday deb o‘ylashi mumkin: «Men o‘z uslubim haqida batafsil to‘xtalib o‘tirmayman, bu mening vaziyatimni murakkablashtiradi». U shundayligicha qoladi», - deya ta’kidladi sobiq futbolchi.
