"Manchester Yunayted" bosh murabbiyi Erik ten Xag Chempionlar ligasi doirasidagi "Bavariya"ga qarshi o‘yinda jamoaga nima yetishmaganini tushuntirdi.
Chorshanba kuni Myunxenda bo‘lib o‘tgan uchrashuv ingliz jamoasining 3:4 hisobidagi mag‘lubiyati bilan yakunlandi.
"Jamoa "Tottenxem"ga qarshi o‘yinda yetarlicha harakat qilmadi, bu o‘tgan mavsumda ham sodir bo‘ldi. Ammo, “Bavariya” bilan o‘yin haqida gapiradigan bo‘lsak, bu borada qo‘limizdan kelganini qildik deb o‘ylayman. Muammo shundaki, o‘yinchilar, menimcha, har doim ham o‘z vaqtida tezlanishni amalga oshira olishmagan”, dedi Ten Xag “Byornli”ga qarshi APL o‘yini arafasida bo‘lib o‘tgan matbuot anjumanida.
