Zinedin Zidan ikki yildan ortiq murabbiylik qilmadi. Yaqinda mish-mishlar yana fransiyalik mutaxassisini "Manchester Yunayted" bilan bog‘lashni boshladi.
Biroq, TodoFichajes nashrining yozishicha, Zidan Fransiya terma jamoasini boshqarish imkoniyatini hali ham kutmoqda. 51 yoshli mutaxassis aynan o‘z mamlakati terma jamoasiga murabbiylik qilmoqchi.
Manbaga ko‘ra, ayni damda Zidan 2024 yilgi Yevropa chempionati yakuniga qadar kutmoqchi va shundan keyingina vaziyatni qayta ko‘rib chiqmoqchi.
Ko‘pchilik Zinedin Zidan JCH-2022dan keyin Fransiya terma jamoasini boshqarishini kutgandi, biroq ketma-ket ikkinchi jahon chempionati finaliga chiqqanidan so‘ng Didye Desham bilan shartnoma uzaytirildi. Nazariy jihatdan, Fransiya terma jamoasining Yevro-2024dagi natijasi qoniqarsiz bo‘lsa, kelasi yozda murabbiy o‘zgarishi mumkin.