Зинедин Зидан икки йилдан ортиқ мураббийлик қилмади. Яқинда миш-мишлар яна франциялик мутахассисини "Манчестер Юнайтед" билан боғлашни бошлади.

Бироқ, TodoFichajes нашрининг ёзишича, Зидан Франция терма жамоасини бошқариш имкониятини ҳали ҳам кутмоқда. 51 ёшли мутахассис айнан ўз мамлакати терма жамоасига мураббийлик қилмоқчи.

Манбага кўра, айни дамда Зидан 2024 йилги Европа чемпионати якунига қадар кутмоқчи ва шундан кейингина вазиятни қайта кўриб чиқмоқчи.

Кўпчилик Зинедин Зидан ЖЧ-2022дан кейин Франция терма жамоасини бошқаришини кутганди, бироқ кетма-кет иккинчи жаҳон чемпионати финалига чиққанидан сўнг Дидье Дешам билан шартнома узайтирилди. Назарий жиҳатдан, Франция терма жамоасининг Евро-2024даги натижаси қониқарсиз бўлса, келаси ёзда мураббий ўзгариши мумкин.