"Liverpul" himoyachisi Kostas Simikas "mersisaydliklar" bilan yangi shartnoma imzoladi.

Angliya grandining rasmiy sayti xabarida aytilishicha, gresiyalik futbolchi uzoq muddatli shartnoma borasida kelishib olgan, biroq shartnoma muddati oshkor qilinmagan. Oldinroq Simikasning yangi shartnomasi 2027 yilgacha amal qilishi haqida ma’lumot paydo bo‘lgandi.

"Shartnomamni uzaytirganimdan juda xursandman. Men qilgan barcha mehnatlarim o‘z samarasini berayotganini his qilyapman. Bu menga keyingi chiqishlarim uchun qo‘shimcha motivasiya beradi. Turli intervyularda aytganimdek, bu jamoaning birgalikda erishadigan yutuqlari ko‘p va men birinchi daqiqalardanoq uning bir qismi bo‘lishni xohlardim", - dedi futbolchi klub matbuot xizmatiga bergan intervyusida.

Kostas Simikas "Liverpul"da 2020 yildan beri o‘ynab kelmoqda. U "mersisaydliklar" libosida 63 ta o‘yin o‘tkazgan.